EZAGUTU GETXO
GetxoJazz
GetxoJazz
Getxoko Nazioarteko Jazz Jaialdiak Euskadiko jazz jaialdien hasiera ematen du. Uztaileko lehenengo egunetan kontzertuak egiten dira hainbat eszenatokitan, nazioarteko jazz panoramako musikari ezagunen eskutik. Helburua: munduko jazz onena bereganatzen ahalegintzea, eta aldi berean etorkizunerako artista berriak aurkitzeko jaialdia izatea.
Egoitza nagusia Algortako Biotz Alai Plazan dago. Bertan karpa bat jartzen da, Euskal Herrian ohikoa den eguraldi txarretik babesteko. Kontzertu hauez gain, taldeen lehiaketa eta artista gazteenak babesteko egiten den “Hirugarren Milurtekoa” atala aipatu behar ditugu, baita jam sessionak eta familia osoarentzako kontzertuak ere. Horrela, jaialdia lau bloketan bereizten da:
· Artista famatuen kontzertuak
· Hirugarren milurtekoa eta taldeen lehiaketa
· Familia osoarentzako kontzertuak
· JamSessions
Oharra:
http://www.ikuslab.com/ webgunean Getxo Jazzeko kontzertuetako unerik onenen bideoak daude ikusgai.
Aurreko edizioak
Getxo Jazzek nazioarteko eta estatuko jazz artista handien bisita jaso du, besteak beste, Brandford Marsalis, Michel Camilo, The Manhattan Transfer, McCoy Tyner, John Scofield, Chucho Valdés, Lee Konitz, Archie Shepp, Paquito D’Rivera eta DeeDeeBridgewater.
Historia
Getxo Jazz 1975ean hasi zen, aurrekontu txikiko jaialdi txiki bat bezala. Portu Zaharrean ospatzen zen eta San Inazioko Jai Batzordeak antolatzen zuen. Amateur samarra zen arren, antolatzaileen kemenari eta borondateari esker, jaialdia hazi egin zen, gero eta arrakastatsuago bihurtuz. Hona bitxikeria bat: jaialdian Sting gazte batek parte hartu zuen, orduan LAST EXIT taldeko partaide zela.
Hamar urte beranduago, 80ko hamarkadan, Getxo Jazz bere nortasuna sortzen hasi zen. 1985ean Getxoko Kultur Etxea proiektuan sartu zen, eta 1986an Jazz Jaialdiaren talde lehiaketa eratu zen estatu mailan. Bitarteko gehiago eskuratu zituen, eta horri esker mundu mailako jazz musikariak etorri ziren (Art Blakey, Tony Williams, Freddie Hubbard...)
Urteotan nazioarteko jazz artista handiak etorri dira gurera, esate baterako
Kokapena
googlemaps
Web
http://www.getxo.eus/es/getxo-jazz
Prezioak
Sarrerak 10 eta 20 euro artean.
